ŽELJKO BABIĆ U SUZAMA: Hvala Linu! Shvatićete tek koliko je veliki

Блогерите со срце за Вардар

Вторник, 11 Март 2014

По неколку месечна пауза, видно револтиран поради тоа што Вардар редовно ги премолчува илјадниците интервјуа на Лино Червар и компанијата, решавам да се вратам на блогов чисто да расчистиме уште неколку работи.

На 05.03 на порталот Балкан-Хандбол ( https://www.balkan-handball.com/balkan/intervju-sa-linom-cervarom-metalurg-salje-poruku/ ) излезе едно интервју со господинот кој сам си ја додели мисијата да биде месија на македонскиот народ. Бидејќи досега не знаевме ништо за нас и нашиот идентитет Бог ни го прати Лино Червар да не просветли откривајќи ни ја вистината.

Шала на страна, интервјуа од ваков карактер имало многу, ова не е ни прво, а верувам ни последно. Но, овој пат почувствував потреба да одговорам. Не само за да го задоволам моето его, туку и во име на сите вистински Македонци. Време е некој да одговори на ваквите константи провокации и навреди. Ова лудило мора да запре што побрзо додека не стане касно за тоа. Дел од изманипулираната македонска јавност, а најчесто се тоа новоформирани фанови на ракометот и спортот го претставуваат овој човек како херој. Истовремено, бидејќи се опиени од неговиот романтизам не се способни да погледнат подлабоко и да видат дека единствено што Червар прави е во своите изјави да го понижува и навредува вистинскиот Македонец. По втор пат го споменувам зборот вистински Македонец па да објаснам што подразбирам под тоа. Вистинскиот Македонец е прав патриот, човек кој си ја сака татковината, но ги почитува и останатите. Тоа не е човек што е обврзан да навива за некој клуб зошто во него играле 70% Македонци, а што не смее да навива за клуб во кој има помалку од 70% Македонци. Червар промовира национализам, но од оние опасните кои завршија лошо во неговата екс држава и нејзниот екс непријател. Теоријата дека сите ве мразат веќе не е популарна на Балканот. Ќе се борам против тој новокреиран концепт за Македонец бидејќи не се пронаоѓам во него, а развојот на истиот може да донесе само зло и несреќа. Зошто има потреба во секое интервју и изјава да потенцира дека Металург биле македонски клуб. Па сите тоа го знаат, на крајот на краиштата секаде позади Металург стои Р.М. и македонското знаме. Дали меѓу редови порачува дека некој друг клуб е помалку македонски. Не сум прочитал тренерот на Кил на пример да секојдневно изјавува дека Кил бил германски клуб. Всушност ако одиме по неговата логика Кил и не е германски клуб нели бидејќи не го задоволува процентот на германски играчи. Денес во 2014 година да се повикува да се навива за одреден клуб затоа што во него играле одреден процент на играчи поделени по националност е израз на хистерија. Каде е тука спортскиот, натпреварувачкиот момент? Па, постојат добри и помалку добри ракометари, ракометари кои повеќе или помалку се трудат. Клубот го претставува пред се своето предградие, населба, град па потоа може да претставува цели региони и држави. Клубот е начин на живот за многумина, клубските бои се свети, клубот е средство за идентификација. Клубот е еден вид семејство. Дали би ја сакале вашата жена повеќе ако е бела наместо црна, или на пример Американка наместо Русинка. Не, вие сте ја одбрале вашата љубов и таа е бесконечна. За клубот се навива не поради проценти на националности, за клубот се навива од љубов. За државата обединето се навива на репрезентативно ниво, тогаш игра државата и тогаш се навива за Македонија и Македонци.

Да одиме поконкретно со коментар на некои делови од интервјуто. Впечатливо е пред се дека Червар лаже континуирано во текот на целото интервју. Лаже дека Металург имал најмногу навивачи во Македонија, лаже дека биле втор најгледан клуб, пишува дека Вардар се родил благодарение на нивниот развој. Па тој човек лаже дури и за толку споменуваниот процент од 70%. А што е со играчите од Металург Јуниор. За нив лаже со години. Тие сеуште не се доволно стари за во првиот тим за нив има време, но затоа носи Црногорци и Хрвати, некои и помали од нив, за кои има место во првиот тим. Ако се потсетиме на неговите изјави пред почетокот на сезонава ќе се запрашаме дали играа младите од Јуниор во СЕХА лигата? Не, јавноста беше излажана, тие настапија на само еден до два натпревари. Зошто не признае дека тие деца не се доволно добри или дека слабо се работело на нивниот развој? Јасно е, затоа што ќе пропадне приказната за креирање на „Македонски Јунаци“. Лаже и за наводните два концепта на Вардар и Металург. Ќе пренесам што вели Червар точно:„Sa jedne strane autentični makedonski klub, a sa druge, Vardar koji sve gradi na strancima“. Зошто или поточно како е Металург автентичен македонски клуб, а Вардар не е? Прво и основно Вардар бил, е и ќе остане симбол на Македонија, без Вардар и оние кои го сакаат ќе ја нема и Македонија. Вардар го симболизирал македонскиот идентитет и го одржувал и јакнел македонскиот дух во време на СФРЈ. Вардар бил неофицијална репрезентација на Македонија. Вардар е симбол на Македонија насекаде во светот. Вардар ќе ја претстави Македонија подобро од 10 негови тимови со 100 негови македонски ракометари. Вардар е единствениот тим во регионов кој не носи име детерминирано од социјалистичкиот поредок. Понатаму, да не заборавиме, браќата Марковски, браќата Мојсовски, Ојлевски, Митревски, Јоновски, Пецаковски играле во Вардар или други македонски клубови како Пелистер кога Лино не знаел дека постои Металург. Поголем дел од нив заминаа во Металург бидејќи Вардар немаше доволно срества за да ги задржи кај себе. Металург може да биде автентичен украински или руски клуб, а за да стане автентичен македонски ќе треба да поминат уште многу години. Лино многу лаже, ама и опасно навредува! Тој го навредува истото тоа за кое се преправа дека го промовира. Да видиме што мисли и што кажал за Македонците:„Pogledajte panoramu na početku utakmice. Pratite ih tokom cele utakmice. Nema skidanja majica do pojasa, okretanja leđa terenu. Mi smo evropski tim, ponašanje nam je takvo, promovišemo kulturu naprednih zemalja, i to me čini posebno zadovoljnim. Kada gledate utakmice Metalurga, ne biste rekli da se igra u Makedoniji, u zemlji koja je neshvaćena i bori se za identitet. To je mala zemlja koja se drznula da dobije svoje ime. Kada pogledaš našetribine,kako se ljudi ponašaju za vreme meča, to je Zapad. Varaju se oni što misle suprotno“.

Генерално, според неговата изјава Македонија е некултурна земја, во која живее некултурен народ. Единствено на натпреварите на Металург можело да се види култура од напредните земји и земји од западот. До толку било културно што дури не се верувало дека е во Македонија. Значи до пред неговото доаѓање Македонците не знаеа што е тоа култура. Червар ни ги пренесе тие западни вредности по кои копнееме. На нивните натпревари замислете немало соблекување маици и немало вртење со грб кога се пеела Зигазага. Нормално дека нема да има зошто на нивните натпревари не се појавил човек што знае како се навива од срце и што живее за еден клуб (со исклучок на стотина Пирати). Тоа се изманипулирани луѓе кои мислат дека Македонците на Червар се најдобри во светот и никогаш не можат да загубат не бидејќи се најдобри, туку бидејќи се Македонци. Дури и кога ќе загубат вината ја бараат во некои конспиративни фактори бидејќи тоа нели не е можно да се случи. Второ, негова работа, а и работа на секој тренер е да зборува за тактики, за нови акции, за победи и порази, а не да ги коментира навивачите на противничките клубови. Подобро ќе биде да зборуваше за траењето на нивните напади и брзината на нивната игра наместо да ги навреди сите Македонци кои навиваат за свои клубови, различни од неговиот. Не само Комити, така навиваат и Чкембари, така навиваат сите македонски групи па дури и неговите Пирати. Така навиваат и неговите бивши БББ и сите останати навивачки групи во светот меѓу кои и оние на запад за кој зборува. Постојат уште мал милион вакви ситуации, но доволно е за овој текст.

Господине Червар, не знам дали некои стои зад вас, но време е да прекинете со оваа ваша пропаганда вие и вашите соработници. Прекинете да ги навредувате навивачите на Вардар. Ослободете го спортот од вашите големи филозофии, ослободете го клубскиот спорт од национализмот. Прекинете да го катализирате процесот на националистички занес кој го уништува спортот. Нека луѓето судат по начинот и квалитето на игра, а не по националната припадност. Во мојот и нашиот Вардар сакам да играат најдобрите или најдобро подготвените, макар биле и припадници на Ескимската заедница. Оставете да навиваме за Македонци кога ќе игра Македонија. Вие сте само тренер на еден клуб од безброј такви во светот, вие не сте тренер на Македонија.

Ви благодариме,овие се моите мисли и сите Македонци,а зборовите се земени од Vardarovog сајт

Vardarovite navivaci sekoj den se poveke i poveke se nervozni zatoa sto znaat deka Metalurg izbiva daleku pred niv Metalurg vo momentot ima poveke decinja sto treniraaraat vo Metalurg nasproti site navivaci na Vardar ,za brzo vreme brojkite ke bidat uste postrasni za Vardar edinstven spas da izbrka ova prosecnive stranci i na nivno mesto da angazira Makedonci .Nemoj nekoj da mi rekol deka nema kvalitetni igraci Makedonci setetese kako go izbrkavte Ojleski i ke vi stanat jasni mnogu raboti